Psalms 150
1הַלְלוּ יָהּ ׀ הַֽלְלוּ־אֵל בְּקָדְשׁוֹ הֽ͏ַלְלוּהוּ בִּרְקִיעַ עֻזּֽוֹ׃ 2הַֽלְלוּהוּ בִגְבוּרֹתָיו הֽ͏ַלְלוּהוּ כְּרֹב גֻּדְלֽוֹ׃ 3הַֽלְלוּהוּ בְּתֵקַע שׁוֹפָר הַֽלְלוּהוּ בְּנֵבֶל וְכִנּֽוֹר׃ 4הַֽלְלוּהוּ בְּתֹף וּמָחוֹל הַֽלְלוּהוּ בְּמִנִּים וְעוּגָֽב׃ 5הַֽלְלוּהוּ בְצִלְצְלֵי־שָׁמַע הַֽלְלוּהוּ בְּֽצִלְצְלֵי תְרוּעָֽה׃ 6כֹּל הַנְּשָׁמָה תְּהַלֵּל יָהּ הַֽלְלוּ־יָֽהּ׃ 2527 150 4 4
Copyright information for
WLC